الموضوع الكامل و الشامل عن البث المباشر عبر الشبكه / بروتوكول rtmp / فلاش بلاير

هتكلم عن المطلوب و المشاكل و الحلول 
---------

اولا التقطيع

السبب : كارت اللان / كيسة البث

1- كارت اللان اللى ف الكيسه اللى عليها البث او المجله لازم يكون 10/100/1000 او اعلى لأن كمية نقل البيانات عليه بتكون 125 ميجا بايت
انما كارت اللان العادى نقل البيانات فيه 12 ميجا . تخيل كدا ال12 ميجا متقسمه على كل الشبكه . يبقا اكيد هيقطع حتى لو الشبكه صغيره
2- كيسة البث : دى بقا لازم لها كيسه قويه او على الاقل سريعه . تكون بروسيسور جامد و رامات كويسه (كارت الشاشه مش مهم اوى)
---------

ثانيا ضعف جودة الصوره

السبب : كارت الTV ضعيف / اعدادات البث مش صحيحه
1- عشان تجيب صورة واضحه و الجوده عاليه يبقا لازم كارت كويسه و قوى. رسيفر البين سبورت صورته HD و عشان تطلع الصوره كويسه لازم كارت HD
مثال : https://www.youtube.com/watch?v=-41oS1a3H-4
كارت EazyCap دا ضعيف جدا جدا و صورته ضعيفه تقريبا 240p . الHD بيكون 720p او اعلى . اظن الفرق كبير و واضح
2- اعدادات البث : و دى سهله جدا و ممكن اى حد يعملها
----------

ثالثا سيرفر البث 

اللى موجود و معروف هو : ادوبي فلاش سيرفر / ووزا ستريم سيرفر Wowza
الفرق بينهم بالظبط زى الفرق بين نوكيا لوميا 1020 و نوكيا 1100 القديم
الاتنين هيعملو نفس الوظيفه و هى البث المباشر و العرض عن طريق قلاش بلاير
لكن Wowza مش مجانى فيه مميزات اكتر بكتير من حيث الامكانيات . كل حاجه تقدر تتخيلها هتلاقيها موجوده فى wowza و مش موجوده على ادوبي فلاش سيرفر
مثال : https://www.youtube.com/watch?v=9WmTXTZtUlA
ادوبي فلاش سيرفر مش مجانى برضو و لكن كل سيريلاته معروفه :D
----------

رابعا الوايرلس

دى بقا حاجه بسيطه جدا جدا و انت مستحيل يكون عندك فيها مشكله لو انت m5
اجهزه m5 بيوصل نقل البيانات فيها لحد 300 ميجا او اكتر حسب الجهاز
سيرفر المجله و بث القنوات اكبر كميه يطلعها فى حياته 125 ميجا فقط لا غير
و نحط كمان مثلا 8 ميجا بايت انترنت . يبقا المجموع 133 ميجا بايت من اجمالى 300
يعنى مهما حصل مفيش اى مشكله من الوايرلس
و لو حصل فى يوم من الايام انك عايز تقفل البث هيبقا انت كسبت برضو انك اشتريت جهاز بين سبورت و بتتفرج عليه لوحدك ^_^



رابط تم النقاش في جروب شادى سوفت :
https://www.facebook.com/groups/mikrotikarabic.blog/permalink/1572136583063930/